Archives

REVITAL – Jiyo Jee Bhar Ke!

live-Life-Coaching

 

(Poem recited on the Annual Day ,2014, at Maharashtra Institute of Labour Studies)

 

Naye raston par ghabraane se kya hoga,
Jeene ki tarkib nikaalo yaaron, umeed harne se kya hoga?
Jeeye jee bhar ke, thame hum, par rukna mana hai,
Bhag-daud bhari duniya me thankna mana hai!
~
Lamho ki duad dekho, ek shaam me guzra ek saal,
Judai ne kaise kiya bichadte dilon ko behal.
Unn lamho ke pyaalo me jitni masti thi, hum iss shaam me peeye,
Aao gine woh pal, jinme hum bekhauf malag jiye!
~
Shukraguzar rahenge uss margdarshan ki,
Naye toh the hum, par woh disha hi thi, jo rooh talash gayi.
Placements, networking, notes, yahan tak ki kaise examiner ko patana hai,
Placement commitee ko chodna nahi, balki ab toh aur satana hai.
~
Koi dost, koi bhai, koi saarthi bana,
Is auditirium ne najane kitne HR Managers ko di hai panah.
Labour law ko iss saal toh padh kar hi batana hai,
Placements khud chal kar aaye, kuch aisa kar dikhana hai.
~
Vidai ke asuyon main jaise dhul gaye chamchamate rang,
Raste me thak ke haar gayi masum si umang,
Dil to manakar, phir bhi, khwaabon sajana hai,
Naye raaston par ghabraane nahi, ab jeene ki tarkib ko nikaalna hai,
~
Sab khwaishon ko paa na sake, toh hairat ki baat nahi,
Par umeed hi na rahe, toh kya baat banegi kabhi.
Darte the lehron se hum, aaj samandar ko apna banana hai,
Roshni ho ya dhup, iss awara dil ko aaj suraj me machal jaana hai.
~
Naye raaston par ghabraane se kya hoga,
Jeene ki tarkib nikaalo, aakhir umeed harne se kya hoga?
Jeeye jee bhar ke, thame hum, par rukna mana hai,
Bhag-daud bhari duniya me thankna mana hai!

 

Samaj Ki Devi Ya Balidaan Ki?

“Well-behaved women seldom make history.”  ― Laurel Thatcher Ulrich, Well-Behaved Women Seldom Make History

“Well-behaved women seldom make history.”
― Laurel Thatcher Ulrich, Well-Behaved Women Seldom Make History
HAPPY WOMEN’S DAY!

Samaj Ki Devi Ya Balidaan Ki? 

Beti nahi woh, pita ki izzat aur maa ki parchai hai,

Dukh-jhelti Sita ya naash karti Kaali swaroopi darshai hai!

Ek nanhi si jaan ko, kul-devi ki paribhasha me dhalte hai sabi,

Kya banana chahti hai woh, usse bhi toh pucho kabhi!

Nayi zimedari, naye rishton me, chooti uski padhai hai,

Saari umar jisko apna maana, vidai par wahi bole, ‘Beti, ab tu parai hai!’

Murjay phoolon ko hasi me dabakar, naye ghar ko mehkaana hai abhi,

Kahan jaana chahti hai woh, usse bhi toh pucho kabhi!

 ~

Patni, Bahu, Bhabhi, ek ladki najaane kitne rishton me dhal jaati hai,

Rishton ko nibhate, apne farz ke bojh se dab jaati hai,

Sushil-sanskaari pukaar kar, kitni baar uski khwaish dabi,

Kya karna chahti hai woh, usse bhi toh pucho kabhi!

 ~

Ishwar ki mahima, ghar ki hariyaali hai,

Phir usi ke naam par hi kyu, shuru hoti har gaali hai?

Dogle samaj ki dogli izaat se thak chuki hai woh bhi,

Khul kar jeena chahti hai woh, Insaan banker, Devi nahi!

 ~

Samaj ki umeedon par nahi utrana hai khara,

Sapno ko mitakar kar, duniya ki nazaron me nahi banna hai bada!

Khud bhi toh samaj hai, badlaav layegi woh abhi,

Atmavishwas se kadam rakhke, soch badle, woh bhi, aap bhi!

 ~~~

The Gantantrata Returns! (Part 2)

(Part 1 of the Poem – The Swatantrata Returns – Independence Day Poem)

Career banana aaye hum, yeh behtar insaan kaise bane?
Safalta ki chah rakhne waale, insaaniyat ke beejh kaise jane?
Tab kisi Samvidhan ki suni pukaar,
Avaaz me thi nami, aasuo bhari thi uski lalkaar.

Jabse main aabad hua hoon, apno se barbaad hua hoon.
Samvidhan hoon Bharat ka main, yuva ko lalkaar raha hoon.

Samvidhan hoon bharat ka main,
Duniya ke sarv sresht vavasthao ka bayan mujhme hai.
Kartavyon ka gath bandhan main, achrano ka srujan bana hoon,
Adhikaro ka data main, riwaazon ki laxman rekha hoon.

Jabse main aabad hua hoon, apno se barbaad hua hoon.
Samvidhan hoon Bharat ka main, yuva ko lalkaar raha hoon.

Koi bhuka na rahe, koi aasu na bahe,
Janhit ke buland iraade, ab iske aage kya kahe?
Saksham hoon, saakaar main, praman ki daad bana hoon,
Paisatva janmadin hai mare, par paisath soon baar mara hoon.

Jabse main aabad hua hoon, apno se barbaad hua hoon.
Samvidhan hoon Bharat ka main, yuva ko lalkaar raha hoon.

Jeene ka adhikaar mujhse hai, par ghoot ghoot ke main jee rahe hoon,
Sabko bhasan ki aazaadi, par meri boli main khud hi pee rahe hoo.
Samta ko banaya fark vyavastha, nyay ko banaya nark vyavastha,
Dikhlaya tha kaunsa rasta, note bhari nigahon ne phir kyon bhara apna hi basta.

Jabse main aabad hua hoon, apno se barbaad hua hoon.
Samvidhan hoon Bharat ka main, yuva ko lalkaar raha hoon.

Jalata hoon main bhi, jab chalti hai vispot ki aag,
Ghutta hai dum mera bhi, aarakshan aur dange jab laadte hai mujhepar hi daag.
Sabke aage prashna pada hai – Desh bada ya Swarth bada hai?
Isspar bhi khamosh jahan hai, toh phir mera dosh kahan hai?

Jabse main aabad hua hoon, apno se barbaad hua hoon.
Samvidhan hoon Bharat ka main, yuva ko lalkaar raha hoon.

Janta haath bandh baithi hai, samta maum baandh baithi hai,
Mera galat arth karte ho, sab gun gaan varth kate ho,
Pehredaaro aakhain kholo , dil par haath rakhkar bolo,
Jaisa Hindustan dikha raha hai, aisa mujheme kahan likha hai?

Jabse main aabad hua hoon, apno se barbaad hua hoon.
Samvidhan hoon Bharat ka main, yuva ko lalkaar raha hoon.

Chahe mausam sharminda hai, loktantra mujhse jinda hai,
Main tuta toh sab tuteha, behtar ka arth chootega.
Behtar banana ki chah hai, toh battar ko kaaton,
Agar pyaar hai mujhse toh meri raksha ki pehredaari niyat aur imaandari se baato.

Jabse main aabad hua hoon, apno se barbaad hua hoon.
Samvidhan hoon Bharat ka main, haan tumko, jee haan tumko hi lalkaar raha hoon.

(Inspired by Hari Om Panvar – well known Poet and Law teacher of the country)

The Swatantrata Returns – Independence Day Poem

(Narrated this piece on Independence Day and was greeted with warm hearts. Hope it touches you in the same way)

~

Blank page de blank stare mujhe,

Kya likhu? Kya darshayu? Mujhe kuch na sujhe!

Kya main gun gaayu mere mahan vishaal desh ke?

Ya main kisse kholu saare Kamal, Panja, Jhadoo aur unke mahan klesh ke?

~

Tab dhadkano me ek uthi aandhi,

Dil chakra ke bola,

Gaya hai ab woh jaanewaala Gandhi,

Ab tu hi banja kranti ka gola.

~

Hai path par jo yeh jaat paat,

Banja khada tu prem vruksh viraat,

Bas khol de yeh band si aakhain abhi,

Jo ab na kholi toh kya khulegi kabhi?

~

Jamin ke ek tukde par khich gayi hai lakirain kai,

Ab toh dharam aur bhashao ne lai hai duriya nai.

Kisi aur jaise banne ki chah me khud ko hi khote rahe hai hum,

Janjire toh ab bhi hai, gair khud se hi hue hai hum!

~

“Jai Hind” dil se nikale, Status aur watsapp par nahi!

Zuban pe rahe “Mere Desh ki Dharti” mobile ringtones ya apps par nahi!

Wakt ki janjiro me ab, todna nahi hai yu dum,

Samay aa gaya hai abhi, ki hojaaye phir aazaad hum!

~

Maut bhi aajaaye, desh ke liye jaan bhi hai hazir!

Sunkar Uccha vichaar mere bharat Maate boli aakhir!

Sun mere Bharat ke laal, yeh same dialoges sunti hoon main every saal,

Desh ke liye marna, yeh kehna hai bohot aasan, kuch karna hai toh pehle ban ja ek behtar insaan!

 

Zakham

Paar ki thi ghar ki chaukhat haath me malam thaame,
Jaane kaise chaurahe par zakham chodte gaye!

Chaha tha barishain ho prem ke phoolon ki,
Magar nafrat ke toofani kaantain chubhate chod gaye!

Aakhon me thi khuda ke paride banane ki aarzoo,
Hakikat me dukhon ke darinde ban kar reh gaye!

Chaha tha duniya ke ujaale ko jeet lena,
Magar andhere me dard samette reh gaye!

Ab zindadili ke pool kya baandhe hum,
Jab zinda hi nahi dhadkan iss dil me!

Zindagi toh rooth gayi hai humse,

Maut ki suiya ginte reh gaye!
Eyes

Zindagi roothi hai mujhse aaj!

Zindagi ruthi hai mujhse aaj,
Na rahi woh hasi ki mehfil, na raha thahaako ka taj,
Sannaton ke toofan me, dub raha hai jindadili ka jahaajh,
Zingagi roothi hai mujse aaj!

Maa ka pallu ab aasu pochta nahi,
Papa ke kisse batlate nahi galat kya aur kya sahi,
Tut gaye anmol rishtey jo karte the dilon par raj,
Zindagi ruthi hai mujhse aaj.

Ek taraf roothe chehre, duji aor nakamiyabi ke jakham gehre,

Inn jakhamo ka kya koi nahi ilaajh?
Kab tak yuhi roothi rahegi, A jindagi, tujhe toh manana hai mujhko aaj!

Zindagi roothi hai mujhse aaj!